મારી મમ્મી બહુ ઝગડાખોર છે

મારી મમ્મી બહુ ઝગડાખોર છે ...

કેમ?

હું રમતો હોઉં ને પડી જાઉં તો વાગે છે મને,

સહન કરવાનું આવે છે મારે,

દવા લેવી પડે છે મારે,

ઇન્જેક્સ્ન લેવા પડે છે મારે...

પણ તે મને લડે છે એવી રીતે કે જાણે આ બધું તેને કરવું પડે છે...

હા,દીકરા, એતો એવું જ હોય ને ..

જ્યાં સુધી તું મોટો ના થાય ત્યાં સુધી

તને કઈ થાય તો મમ્મી ને પણ વાગે

તમને મમ્મી લઈને આવી હોય ને એટલે

તમને જેટલું શરીર પર વાગે તેટલું મમ્મી ને

ર્હુદયમાં જોરથી વાગે. પછી કેવું દુખે.. ?

તમને લોહી નીકળે ને તો..

મમ્મીનું લોહી ફરતું બંધ થયી જાય ..બોલ..

હે...

___________________________________________

કોમ્પ્યુટર ને વિડીઓની ગેમ છોડી આવ્યો છું..

ઊંઘતી મમ્મીને હાથતાળી દૈ આવ્યો છું..

બચપણ તો ચાલ્યું જશે પછી કળ ના વળશે.

બે ઘડી વેકેસનમાં ,(આપડી) રમત રમવા આવ્યો છું.

_________________________________________________

મારી મમ્મીને અમને અને અમારા કપડા ધોવાનો કંટાળો આવે છે.

એટલે અમને રમવા નથી જવા દેતી...

અને અમારું બચપણ ધોઈ નાખે છે..

ના, બેટા કોઈ મમ્મી આવું નાકરે...

ના, એવું જ છે.. હું સાચું બોલું છું..

મારા માળિયા માં ૫૦ લખોટી અને

૩ ભમરડા પડ્યા છે તેની સોગંધ ...